Улыс Вочлöн Матвей сиктын сувтöдiм военно-морскöй флотлы пас. Сиим 1950-2023-öд воясын служитысь матросъяслы, старшинаяслы, офицеръяслы. Тöд вылö босьтiм Улыс да Вылыс Вочса, Габовса да Дзольса айловъясöс, ставнас лоис 51 морт, 25-ыс абу нин ловъя. Кодсюрöлысь нимъяссö босьтiм шойна вылын крестъясысь, висьталiсны и сиктса йöз. 2018-öд восянь чукöртiм снимокъяс да вöчим кык альбом, öтиыс библиотекаын, мöдыс ме дорын. Öти флагыс сöвет кадся, мöдыс Андрей Первозванный апостол нима. Найöс лэптам военно-морскöй флот лунö, июль 28-öд лунö. Сэк кежлö нöшта стöчмöдам матросъяслысь, старшинаяслысь да офицеръяслысь нимъяссö.
Ме ачым служитлi флотын. Аслам кöртыс, ачым жö и сваритi якöрсö, штурвалсö, дзиръясö. Босьтчöмын ёна отсасис Улыс Вочса библиотека.
 Иван Гичев.
Снимок Людмила Ульдрикаслöн.