«Ленин туйöд» 1970 вося январ 31-öд лун

• Райцентраса олысьяс пыр майшасисны аэропортö ветлöм-мунöмöн. Налысь корöмъяссö öнi могмöдöма: райцентрын восьтöма автобуснöй движение. Автобуслöн маршрутын — аэропорт, Кебанъёль, Паспом.
  И.Иванова.

«Ленин туйöд» 1970 вося февраль 5-öд лун
Стрöительяс петiсны вöрö
«Ленин туйöд» газетын неöтчыдысь нин вöлi пасйöма «Усть-Куломскöй» совхозса стрöительяслысь бур уджсö. Коймöд фермалы найö вöчисны зэв бур кормозапарник, öнi эштöдöны гараж. Водзö вылö Усть-Куломскöй отделениеын кутасны стрöитны столярнöй мастерскöй да нёль квартираа олан керка. Та вылö, дерт, колö уна вöр.
Öнi быд отделениеысь том йöз петiсны дасьтыны срöительнöй вöр. Усть-Куломскöй отделениеысь А.Г.Липинлöн вит морта звено уджалö Шожим юбокса вöръясын. Сылы колö пöрöдны да вайны пилорама дорö да стрöительнöй площадкаяс вылö 800 кубометр вöр. И тайöс кыв шутöг лоö вöчöма.
В.Жигалов, совхозса директор.

Лоасны трактористъясöн
Вит лун сайын «Сельхозтехника» бердын воссисны трактористъяслöн курсъяс. Механизаторлысь специальностьсö босьтны Усть-Куломö воисны став совхозъясысь кызь вит морт. Курсъяснас веськöдлö В.А.Гусев.
Гöра-кöдза кежлö том трактористъяс воасны асланыс сиктъясö.
В.Князев.