Йöввыв

[ A+ ] /[ A- ]

Йöввыв – тöв колльöдан, тулыс паныдалан гажлун. Заводитчö йöввыв Ыджыд видзö пырöмсянь вежон водзвыв. Тайö лунö исласисны джуджыд кыр йывсянь. Исласьны петавлiсны весиг олöмаяс.
Масьленича лунö ветлöдлiсны уна рöма лентаясöн мичмöдöм вöвъясöн. Сикт кузя гöнитiсны кöшöва доддьöн да сьылiсны «Шондiбанöй, гажа валяйöй». Тайö лунö пузьöдлiсны самöвар, пöжалiсны блин.
Сэсся сотлiсны идзасысь вöчöм чучела. Тадзи йöз янсöдчисны тöвся лёкыскöд, виччысисны тулыс воöмкöд бур олöм пуксьöм. Рытнас аньяс ветлiсны вичкоö служба вылö, а том йöз гажöдчисны, сьылiсны да йöктiсны.
Таво йöввыв вежоныс лоö Ань-яслöн лунсянь (марта 8 лун) рака тöлысь 14 лунöдз. Тайö языческöй гажлун, тöв колльöдан да тулыс чолöмалан кад. Шойччан луныс лыддьысьö вежа лунöн, кор колö корны ставыслысь прöшша, медым пырны Ыджыд виддзö (Великий пост) сöстöм мöвпъясöн, медым лов вылад лоис кокньыдджык. Рочьяслöн шусьö прощённое воскресенье. Тайö лунö, эськö, колö ветлыны вичкоö, даръясьны. Выльлунсяньыс заводитчö сизим вежонся Ыджыд видз, коді лоас Ыджыд лунöдз. Медводдза да медбöръя вежоныс медся стрöг. Оз позь сёйны яя да йöла сёян, кольк, оз позь юны, вöчны лёктор.
Видз дырйи кыкысь позьö сёйны чериа сёян. Тайö Благöвещенньö лунö, апрель 7-öд лунö да Берба лунö, таво апрель 25-öд лунö.
Жанна СИЗЕВА.

Комментарии:

Добавить комментарий

Свежий выпуск: за 6 мая