Асьным бöрйим тайö уджсö

Видзны общественнöй пöрадок, эрдöдны мыж вöчöм, пановтны,
мед эз вöвны терроризм да экстремизм, наркотикъясöн дурмöдчöм, öружиеöн вöдитчысьяслы кутчысьны урчитöмторъясö, öлöдны,
мед йöзыс эз шедны интернет да телефон пыр ылöдчысьяслöн налькйö. Медшöр да быдлунъя тöжд-могъяс йылысь сёрнитiм пытшкöсса делöяс министерстволöн районса юкöнöн веськöдлысьлысь могъяс олöмö пöртысь, полицияса подполковник Павел Егорович Мингалёвкöд…

— Ставыс-ö эм тыр-бура уджалöм могысь?

— Став корöмлы лöсялан ыджыд да мича керка. Татшöмыс республикаын некöнi абу. Шоныд да югыд уджалан жыръяс, спортзал, тренажёръяса ёнмöдчанiн, шоныд гараж, кöнi эм позянлун мыськавны да дзоньтавны машинаяс, понъясöс видзанiн да велöданiн, лыйсянiн
да мукöдтор. Районса администрация отсöгöн дзоньталöны
и участокса уполномоченнöйяслы уджалан жыръяс. И таысь нимкодь.

— Павел Егорович, мый сианныд уджалан котырныдлы?

— Чолöмала уджалысьясöс, ветеранъясöс, тшöтш ас окотаöн полициялы отсасьысь народнöй дружинаясöс! Сиа ён дзоньвидзалун, семьяясын шуда олöм да öта-мöдöс гöгöрвоöм, сьöкыд да кывкутана уджын вермöмъяс. Аттьöала рöдвужнысö да матыссаяснысö, кодъяс юкöны миян уджалысьяскöд сьöкыдлунъяс, виччысьöны локтöмнысö. Сьöлöмсянь аттьöала могъяснысö олöмö пöртöмысь, бöрйöм туйöд зумыда мунöмысь, закон дор сулалöмысь да лöнь олöм могмöдöмысь. Став бурсö!
Водзö лыддьöй ноябр 10-öд лунся газетысь.

Марина Дадашова.
Снимок Елена Скрыгонюклöн.