Марта Михайловна Уляшева «Помöсдін» кооперативын зільö медшöр бухгалтерöн 14 во нин, 2001 вося октябрын ыджыд овмöсын и пансьылiс уджалöмыс. Помалiс Вяткаса видз-му овмöс академиялöн экономика факультет, велöдчис «Бухгалтерскöй учёт, анализ, аудит» специальносьт серти, водзö кыпöдö ассьыс тöдöмлунъяссö, пырöдчö уна сикас семинаръясö да конкурсъясö. Марта Михайловна районса видз-му овмöс юкöнын медбур бухгалтер.

Кооперативын уджалігöн Марта Михайловна петкöдліс асьсö кыдзи веськыд, дисциплинаö кутчысьысь уджалысь, коді вермö босьтны ас вылас сылöн уджö пырысь быд юалöм олöмö пöртöмысь кывкутöм. Сылы сетöм могъяссö пöртö олöмö тырвыйö водзöсöн, кужö веськöдчыны весиг дженьыд кадколастö, донъявны öтувтöм юöръяс, сылöн эм выльторъяс пыртан сям, вöдитчö предприятиеса бухгалтериялöн уджын став выльпыртöмъясöн, окотапырысь юксьö аслас тöдöмлунъясöн мукöд бухгалтеръяскöд, видзöдö, мед налöн вöлiсны стöч лыдпасъяс да с.в. Кооператив уджалö-сöвмö конкурсъясö пырöдчöмöн да грантъяс шедöдöмöн. Марта Михайловна веськöдлысьыскöд гижöны бизнес-планъяс, водзвыв арталö-донъялö, уна-ö ковмас сьöм, баласö кö пöртны олöмö, воас-ö чöжöс.

Марта Михайловналöн бур йитöдъяс уджалан котыркöд, сійö бур сьöлöма, кылö да кывзö быдöнöс. 2025–öд воын уна вося бур уджысь пасйисны Россия Федерацияса видз-му овмöс министерствосянь аттьöалан гижöдöн.

Марта Михайловналы отсалöны семьяыс, Николай верöсыс да Станислав да Платон пияныс, 11–öд да 4–öд классъясын велöдчысьяс. Сійö быдтö да туйдö челядьöс Енлы эскöмö кутчысьöмöн, уджачлунöн да йöзöс пыдди пуктöмöн. Быд во став семьянас ветлöны вежаинъястi. Найöс öтувтö и керка йöрын да град вылын удж, вöрö походъясö, тшаквотöсла ветлöм. Челядь бура велöдчöны, пырöдчöны спортö, ыджыдджыкыс, Станислав, школа помалöм бöрын кöсйö бöрйыны инженерно-техническöй профессия.
Анастасия Ярова, видз-му овмöс юкöнöн веськöдлысь.
Снимок юкöнлöн.