Бöръя воясö Россия, республика пасьта, тшöтш и миян районын ёна нин паськаліс сотöвöй телефон да интернет йитöд отсöгöн мошенникъясöн йöзöс ылöдлöм. Телевизор пыр быд лун дольöны-öлöдöны видзöдысьясöс, мед эз веськавны налöн гылыд налькъяс, но пыр сюрöны ылалöмаяс, торйöн нин олöма йöз, кодъяслысь кыскöмаöсь сьöм.

– Такöд йитöдын Коми республикаысь пытшкöс делöяс кузя министерстволöн индöд серти ми быд вежон районö петалöмöн нуöдам «Жилой сектор» öлöдан удж, – висьталіс полицияса участкöвöй уполномоченнöйяслöн да тыр арлыдтöмъяслöн делöяс кузя юкöнöн веськöдлысь Артём Александрович Напалков. – Керкаысь керкаö ветлöдлöмöн йöзыслы висьталам мошенникъяслöн ыджыдалöм йылысь, кыдзи видзчысьны налöн налькйö шедöмысь. Найö векджык висьтасьöны банкса, полицияса да мукöд службаса уджалысьясöн, корöны стöчмöдны документъяслысь да картаяслысь кутшöмсюрö юöръяс либö сьöмсö видзöм могысь вуджöдны сійöс выль, сiдз шусяна безопаснöй тшöт вылö. Либö корöны висьтавны телефон номеръяс, код, коді локтö телефон вылö, сы отсöгöн «жугöдöны» телефонсö, коді йитчöма банклöн карта дорö да сэтысь шышнитöны сьöмсö. Быдöнлы висьталам, мый банкса ли полицияса уджалысьяс тайöс некор оз тшöктыны вöчнысö, некутшöм безопаснöй тшöт оз овлы. Звöнитчöны кö тöдтöм номерсянь, оз ков босьтны, ни сёрнитны, торйöн нин сетны документъяс да картаяслысь юöръяс. «Жилой сектор» öлöдан уджсö нуöдам мöдöд во нин. Быд вежон петавлöмöн артмö, мый вонас öти и сійö жö сиктас ли посёлокас волам кыкысь-куимысьöдз. Пыравлам быд керкаö, и ог öтчыдысьöн…
Водзö лыддьöй август 8-öд лунся газетысь.
Галина Нестерова.
Снимокъяс гижысьлöн.