Ичöтсянь — спортын

 Мортыдлöн олöмын спортыд зэв на и тöдчана, сытöг овны оз позь. Кымын ёнджык леган да вöран, сымын дзоньвидзаöн лоан. Тадзи лыддьö Кулöмдiнысь Тамара Николаевна Кондрашкина, кодi ичöтсянь ёртасьö спорткöд.

 — Меным куим арöс на вöлi, ыджыдджык Нина чойлы квайт, кор бать сувтöдiс миянöс туй вылö да тшöктiс котöртны индöминöдз, кодi пö медöдйö воöдчас. Менам котöртсис тэрыбджыка, ордйöдi чойöс, — казьтывлiс ань. Нывкалöн сэки нин тыдалiс тэрыблуныс.

 Сiйö чужис-быдмис Донын, велöдчис сэтчöс школаын. Нёльöд классянь ворсiс баскетболысь, кöкъямысöд классöдз пыр вöлi командаса капитанöн. Туйдiс физкультура велöдысь Тамара Ивановна Игнатова. Ворсiсны-тренируйтчисны ёна. Ордйысьны ветлывлiсны орчча сикт-посёлокъясö — Шöръягö, Керчомъяö да с.в. Кöкъямысöд классын велöдчигöн петкöдчис юрсиктын лыжиöн котралöм кузя районса ордйысьöмын да веськалiс медбуръяс лыдö. Сэки ас водзас пуктiс мог ветлöдлыны спорт школаö. И тайö артмис буретш Кулöмдiнса шöр школаö öкмысöд классö велöдчыны вуджöм бöрын. Овмöдчис интернатö, кöнi олiсны тшöтш Пармаса спортсменъяс. Найö и вайöдiсны нывкаöс Иван Георгиевич Мишарин тренер дорö…
Водзö лыддьöй май 23-öд лунся газетысь.
 Галина Нестерова.
Снимок Тамара Кондрашкиналöн чукöртöмысь.