1929-öд вося ноябрсянь районын заводитiс петны «Вöр фронт» газет. Бöрынджык газетыс вежлiс ассьыс нимсö кыкысь: сöвет кадö шусис «Ленин туйöд», а 1991-öд восянь — «Парма гор».

 Газетын уджалысьяс пыр зiльöны юöртны районса войтырлы медся тöдчана лоöмторъяс йылысь, и таын ыджыд пайыс уджъёртъяслöн – Кирилл Алексеевич Поповлöн, Марина Юрьевна Дадашовалöн, Екатерина Александровна Пименовалöн, Артур Сергеевич Гарновлöн, Татьяна Анатольевна Чувьюровалöн, Алёна Денисовна Ермаковалöн, Елена Владимировна Толкуновалöн.

 Ог вунöдöй, пыр казьтывлам газетлы зумыд подув пуктысьясöс, сöвмöдысьясöс. Тайö Г.П.Нестеров, В.А.Кирушев, В.Г.Лодыгин, Н.А.Лютоев, В.Л.Бабин, Э.А.Тимушев да мукöд.

 Районса газетлöн лист бокъясын Кулöмдiн районлöн олан туйыс. Ыджыд пай пуктöны танi зiльысьяс и коми кыв сöвмöдöмö. Ми йöзöдам асланым районысь и бура нин тöдсаяслысь, асьнысö видлысьяслысь гижöдъяссö буретш коми кывйöн жö. Районса сикт-грездъясысь отсасьысьястöг талунъя серпасыс эз жö эськö вöв тырвыйö восьтöма. Найö миянлы, газетын уджалысьяслы, отсалöны, гижöны сиктлöн тöрытъя да талунъя олöм да бур йöз йылысь, юксьöны асланыс мöвпъясöн да тöждъясöн. Оз орöдны йитöдсö асланым районкакöд Нина Ивановна Буткина, уна во отсасьöны Александр Егорович Уляшев, Иван Иванович Ногиев, Николай Васильевич Игнатов, Иван Андреевич Лютоев, Екатерина Анатольевна Ульнырова, Нина Егоровна Шатохина, Анастасия Ревокатовна Ярова, Надежда Николаевна Торлопова, Надежда Григорьевна Королёва, Нина Николаевна Плескач, Валентина Петровна Нестеренко, Антонина Анатольевна Кузнецова, Альбина Васильевна Логинова, Мария Егоровна Дёмина, Нина Ивановна Карманова, Мария Ивановна Игнатова, Анжела Сергеевна Ильина, Мария Серафимовна Шомысова, Александра Серафимовна Шахова, Елена Викторовна Курочкина, Валентина Александровна Ширяева, Людмила Анатольева Ульдрикас, Иван Егорович Гичев.

 Став сьöлöмсянь чолöмалам Коми печать лунöн газетын вöвлöм да öнiя уджалысьясöс! Сиам ставныдлы выль вермöмъяс, кыпыд лов, семьяын шуд, ёртъяслысь пыдди пуктöм!
«Парма гор» газетын уджалысьяс.
Снимокъяс редакциялöн чукöртöмысь.