Шуласны тай, мортыд кö енбиа, енбиа быдторйын. Шусьöгыс дзик лöсялö Кулöмдінын олысь тайö авъя да вежавидзысь аньыслы – Маиса Кимовна Липиналы. Ачыс сійö Аныбысь. Быдмис-велöдчис сэні, радейтіс ёна лыддьысьны. Торйöн нин сьöлöм вылас воисны коми кыв да литература, гашкö, найöс велöдысьыс, Татьяна Геннадьевна Нестерова кужис йиджтыны чужан кыв дорö муслунсö. Сэтчöс кöкъямыс класса школа помалöм бöрын водзö велöдчис Сыктывкарса 28–öд номера ГПТУ-ын вурсьысьö. Уджаліс Кулöмдінса быт керкаын. Сылöн кужысь ки помысь петлісны мича паськöм да пелькиник гöна шапкаяс. Быт керка тупкысьöм бöрын пырис уджавны районса шöр бурдöдчанінö, кöні и öні на зільö. Аддзö кад вышивайтчыны и вурсьыны, вöчасьны сюмöдысь. Сямыс, майбыр, быдторйын.

А 52 арöссянь босьтчис гижны кывбуръяс. Медводз ичöтикъясöс, матыссаясыслы да тöдсаясыслы чужан лунъяс да юбилейяс кежлö чолöмалан да бурсиан тэчöмторъяс. Лöсьöдіс и гажъяс кежлö ичöтик сценкаяс, тешторъяс, серамбана серпасъяс. А сэсся вочасöн чужисны гырысьджык кывбуръяс, кодъясöс сиис чужан сиктыслы, чужан мулы, кытшалысь мича вöр-валы, матыссаясыслы, муслунлы…
Водзö лыддьöй июнь 6-öд лунся газетысь.
Галина Нестерова.
Снимок Маиса Липиналöн.