ГИБДД юöртö

[ A+ ] /[ A- ]

Омöльторйысь видзöм — гырысьяслöн тöжд!

2023-öд во заводитчöмсянь лоис нин кык туйвывса неминуча, кöнi доймалiсны тыр арлыдтöмаяс. Казьтыштам, кольöм вося тайö кадöн вöлi öти татшöм лоöмтор. Кыкнан неминучаас мыжаöсь шоперъяс, кöть и вöлiны сайдöсь.

Урасьöм 2-öд лунö рытнас Кулöмдiнын ВАЗ-2107 машина, шоперыс 1992-öд воын чужлöма, Петропавловскöй уличасянь мунiс Липин уличалань. 11 номера керка дорын эз сет туйсö да зурасис Мостовая уличалань мунысь «Черри Тигго» машинакöд, веськöдлiс 1983-öд воын чужлöм шопер. Зургысьöмысь «Черри Тигго»-сö шыбöлитiс туй пöлöн сулалысь «Опель Астра» машина вылö. «Черри Тигго»-ын пукалысь 2012-öд воö чужлöм кага доймалiс.

Урасьöм 12-öд лунö Выльгорт грездын луннас «Опель Вектра» машина, шоперыс чужлöма 1985-öд воын, Восточнöй уличалöн 30 номера керкалы паныд веськыдвылö кежигöн зурасис «Лада Гранта»-кöд (шоперыс чужлöма 1988-öд воö), кодi мунiс веськыдвывсяньыс шуйгаладорö «Опель»-лöн мунанiнöд.
Люкасигöн доймалiс «Лада Гранта» машинаын пукалысь 2016-öд воö чужлöм кага.

Зурасигас кыкнан лёк лоöмторъяс ичöт пассажиръяс пукалiсны пысасьöмöн челядьöс кутан пуклöсъяс вылын.
Туйвывса неминучаяслöн гажтöм статистика петкöдлö, мый буретш гырысьяс веськодьöсь туй кузя ветлан-мунан индöдъяс дорö. Овлö, оз вöдитчыны челядьöс кутан да пысалан устройствоясöн, мöвпышттöг кежöны либö бергöдчöны позьтöминъясын, челядьöс оз лэдзны мунны йöзлы лöсьöдöм туй вуджанiнъястi да торкалöны мукöд туйвыв ветлан-мунан индöд.

Пыдди пуктана шоперъяс! Челядьлöн олöмыс тiян колананогöн да кывкутöмöн машинаöн ветлöм сайын. Колö сюся öтьведайтöмöн да видзчысьöмöн ветлыны велöдчанiнъяс, стадионъяс, ворсанiнъяс, олан керкаяс дортi. Йöзлы лöсьöдöм туй вуджанiнъяс дорö матыстчигöн водзвыв чинтöй машиналысь öдсö, медым дасьöсь лоинныд лэдзны мöдар туй бокö вуджысь мортöс. Сiдз жö колö тöд вылын кутны, мый туй вылын шопер кывкутö ичöт пассажиръяс вöсна. Машинаöн челядьöс новлöдлан индöдъяс дорö веськодьлун да друг машина мунiгкосттi сувтöдöм вермас вайöдны ёна доймалöмъясöдз. Руль сайын правилöяс торкалöм вермас тшыкöдны олöмсö да дзоньвидзалунсö мукöд туйвывса ветлысь-мунысьлысь.
Дасьтiс Ария Напалкова.

Комментарии:

Добавить комментарий

Свежий выпуск: 15 февраля

https://www.gosuslugi.ru/help/faq/mobile_election/2100910

Осторожно — мошенники!