Вылö донъялiсны «Войвыв кыа»

[ A+ ] /[ A- ]


Кулöмдiнысь петöм том снимайтчысь Иван Чалановлöн, код йылысь регыд на миян газетын петавлiс гижöд, уджыс веськалiс Москваын котыртöм Россияса медся ыджыда донъялан «Зарни Черепаха» фотоконкурслöн финалö.

Тайö конкурсыс мунö 2006-öд восянь нин. Иван Александрович таво пырöдчис коймöдысь нин. Таво уна сикас туйвизь серти мöдöдiс дас снимок, кöнi петкöдлiс сьöлöм вöрзьöдана да синтö гажöдана мичлуна вöр-ва. Конкурсас петкöдчис став мир пасьтаысь матö 15 сюрс ён снимайтчысь. Мöвпалiс веськавны на пиысь кытчöкö шöрас. Но, дерт жö, эз виччысь, мый «Пейзаж» туйвизьын сылöн «Северное сияние» снимок, кодöс вöчлiс Дон туй дорын, веськалас медбуръяс лыдö, кытчö пырисны 13 мортлöн уджъясыс. Конкурсö вöзйöм медбур уджъяссö ставнас петкöдлiсны Москваын Третьяковскöй галереялöн Новая Третьяковка филиалын вöчöм выставка вылын. Чолöмалам Иван Александровичöс вермöм шедöдöмöн!
Галина Нестерова.
Снимокъяс Иван Чалановлöн чукöртöмысь.

Комментарии:

Добавить комментарий

Свежий выпуск: 22 февраля

https://www.gosuslugi.ru/help/faq/mobile_election/2100910

Осторожно — мошенники!