Заря Федотовна Игнатова олö Мыс сиктын. Сійö чужис 1938–öд воын Кöджувдор грездын. Олöмыс сылöн вöлi эз кокниöн, 15 арöссянь колис мамтöгыс. Сiйö кувсис кага вайигöн. Вöліны кык чой, Агния да Заря. Батьыс водз жö кувсис. Казьтывлö ичöтдырся кадсö, кыдз ёна тшыгъявлiсны. Нянь тупöсь вылö, вöлöмкö, Тымсерö подöн нуöны вежны лук, сёркни да картупель. Зэв вöлiс нимкодь, кор сетлiсны нуръясянтор. Челядь кадö отсасисны колхозын сёркни да картупель идралігöн. Школаын велöдчис нёль класс, кöм-пась вöліс омöль. Ас дöраысь вурлiсны юбка да ковта.

Быдмыштöм бöрын Заря уджаліс колхозын жö конюкöн, сэсся лысьтысьысьöн. Быдтіс кык пи да кык ныв. Томöн колис дöваöн, Априкан кöзяинсö виисны турун пуктігöн, кор уджалiс колхозын. Вöлöм, гусялöны пуктöм турун. Сійö ёртыскöд суисны вöръястö, да найö Априкансö лыйисны пищальысь.
Видзис синтöм айкасö. Пенсияöдз зiлис сельпоса пекарняын. Ставнас уджалiс 38 во.

Дыр да бура уджалöмысь сетісны «За доблестный труд» медаль, пасйисны и почёт грамотаясöн. Уджвывса ветеран. Нывбаба эз усь сьöлöмнас, вуджис став сьöкыдсö.
Öнiöдз отсалö внук-внучкалы, правнукъяслы бур кывйöн да кевмысьö, мед ставöн олісны бура.
Любовь Игнатова.
Снимок олöмаяслöн котырлöн.