Водзмöстчö и карын

[ A+ ] /[ A- ]


Школаын велöдчигöн Дарья Матычинаöс тшöкыда позис аддзыны гажъясын быдсяма петкöдчöмъясын. Ичöтсянь тöдiс, мый сэтшöм сцена. Радейтiс сьывны, висьтавны кывбуръяс.
Кольöм воын 9-öд класс бöрын нывка лэччис Сыктывкарö, кöсйис пырны республикаса Юрий Алексеевич Спиридонов нима искусство гимназиялöн театр юкöнö. Но эз артмы, да вуджис гимназиялöн жö гуманитарнöй юкöнö.
Школаын на нывка пырöдчылiс республикаса да районса олимпиадаясö. Вермис «Безопасность в сети Интернет» районса олимпиадаын. Вöлi и вермысьяс лыдын Россияса челядьлöн вöр-ва видзысьяслöн «Экология без границ» онлайн пыр Белоруссия да Россияса слёт вылын. Торйöн Дашалы сьöлöм вылас воисны роч кыв да литература. Став Россияса лыддьысьысьяслöн «Живая классика» конкурсын лоис приз босьтысьöн. Радейтiс обществознание да геометрия.
Ёртасис и спорткöд, ворсiс волейболöн да пызанвывса теннисысь, нёль во велöдчис лыйсьыны винтовкаöн. Волейболын ворсысьяслöн котыркöд районса ордйысьöмьясын тшöкыда вöлiны вермысьяс лыдын. Гортас öшалö 10 медаль, уна почёт грамота да школаын водзмöстчöмысь аттьöалана гижöд.

  • Даша кывкутысь да зiль нывка. Сылöн эм аслыссяма мелi да шаньлун. Велöдчис бура. Пырöдчылiс уна конкурс да олимпиадаясö, вöлi медводдзаяс лыдын. Школа да класса уна нуöданторйын отсасьлiс велöдысьяслы. Ачыс мöвпыштлiс да гижлiс сценарийяс. Зэв сибыд да варов нывка. Юркарö велöдчыны лэччöм бöрын и водзö кутö топыд йитöд ёртъясыскöд да велöдысьяскöд, — казьтылiс классöн вöвлöм веськöдлысь Мария Владимировна Попова.
  • Велöдчыны абу сьöкыд. Пыдiсянь тöдмалам республикалысь олан туй, культура да öбычайяс. Выльторйöн лоис этнопсихология, туризм, ткачество да журналистика. Тайö туйвизьясыс öнi зэв коланаöсь, окота унджык тöдны, кужны сёрнитны да гöгöрвоны йöзöс. Сьöлöмöй ёна кыскö культураö. 11-öд класс помалöм бöрын мöвпала водзö велöдчыны театр туйвизьын да лоны артистöн, — кывкöрталiс Дереваннöйса ныв.
    Татьяна Чувьюрова.
    Снимок Дарья Матычиналöн.

Комментарии:

Добавить комментарий

Свежий выпуск: 11 апреля

Осторожно — мошенники!