Видзчысь — вильыд туй!

[ A+ ] /[ A- ]


Госавтоинпекция öлöдö ветлан туй бокса кыръяссянь исласьöмысь.
Тöлын ывла вылын ворсöм-ёнмöдчöм зэв бур да коланатор, но тшöкыда вайöдö неминучаöдз, кор исласян-ворсанiн матын машинаöн ветлан туйяссянь.


Тшöкыда челядь гартöны-тэчöны гырысь лым ёкмыльяс туй бокын. Пример вылö, Воркутаын, тöвшöр 28-öд лун 5 арöса детинка лымъя чукöр вылысь исковтiгöн веськалiс КИА машина кöлесаяс улö. Кага ёна доймалiс.
Урчиттöминъясын туй бокö лöсьöдöм ворсанiнъясын исласигöн челядь вермасны машина улö. Ичöт морт ворсiгöн ыззьö, ышмö да вермас не казявны матыстчысь машина, а шопер, кöть и аддзас нин сiйöс да личкас тормоз вылö, оз дзик пыр вермы сувтöдны машинасö, торья нин йизьöм туй вылын.
Пыдди пуктана бать-мам! Тöд вылын кутöй, мый ми, верстьöяс, кывкутам асланым быдтасъяс вöсна. Быд лун казьтывлöй челядьлы, мед оз торкавны туй вылын ветлан-мунан индöдъяс, видзчысьöмöн ворсасны ывлаын, ворсiганыс оз петны туй вылö. Вöчöй сiдзи, мед посниулов век вöлiны син улын. А кор колянныд челядьöс ас кежын, мед гöгöрвоинныд, мый найö оз вöчны ковтöмтор да некутшöм омöльтор накöд оз ло.
Госавтоинспекция казьтыштö: урчиттöм гöраяссянь туй бокын исласьöм вермас помасьны неминучаöн! Лоас кö виччысьтöм омöльтор, пыр жö юöртöй ГИБДД-ö да коммунальнöй службаö.
Андрей Попов.

Комментарии:

Добавить комментарий

Свежий выпуск: 23 мая

Осторожно — мошенники!