Кулöмдiнысь Виталий Мишарин мöвпалiс служитны морфлотын, сэтчö и веськалiс. Вöлi Мурманск обласьтлöн Североморскын. Велöдчигöн тöдмöдiсны корабль вылын ыджыд машинаясöн, став техникаöн да агрегатъясöн, кыдзи видзны, колiгöн дасьтыны, дзоньтавны найöс. Экзаменъяс бöрын индiсны «Пётр Великий» атомнöй ыджыд крейсер вылö, кысянь Аймунымöс видзöны и сынöдсянь, и ваувсянь, и берегсянь вöрöглöн уськöдчöмысь. Тшöкыда петалiсны Норвежскöй саридзö, кöнi пыр велöдчисны.
Öтлаын служитысьяскöд олiсны öта-мöдлы отсасьöмöн, пыдди пуктöмöн. Середаö да шойччан лунö сетлiсны телефон. Сёрнитiс Игорь Дмитриевич да Евгения Николаевна бать-мамыскöд, ёртъясыскöд, висьталiс служитöм, юасис чужанiнын олöм-вылöм йылысь.
Ноябр помын Виталий бергöдчис гортас, пырис уджавны вузасянiнö. Мöвпалö велöдчыны стрöитчысьö. Лыддьö тайö специальносьтсö зэв коланаöн, öд миян районын керкаяс кыпалöны тшак моз, йöз пыр выльмöдöны-дзоньталöны оланiнъяссö, вöчöны öнiя кадлы лöсяланаöс. И тайö уджыс век лоас, сiдзкö лоас и удждон.
Марина Юрьева.
Снимок гижысьлöн.