Бöрö колис Россияса Президентöс бöрйöм. Вочсаяс волiсны участокö, сетiсны ассьыныс гöлöс тайö бöрйысьöмын. Ӧд ставöн кутам бур да лöнь олöм вылö ыджыд лача.

 Март 17-öд лунö клуб водзын гажа музыка улö пансис тöв коллялöм. Александра Николаевна Касева челядь отсöгöн бура дасьтысис гаж кежлö. Вöлiны и Тöв, и Тулыс, и Емеля, Лешöй, Скомарох. Серам, долыд поснилы и верстьöлы. Помлань кык ань да ай сотiсны водзвыв лöсьöдöм полокалöяс. Повзьöдчысьяссö вöчисны Вера Григорьевна да Арина Морохина, Галина Григорьевна да Алеся Морохина, Людмила Анатольевна да Василиса Ульдрикас мама-нылаяс. А мында челядьлöн радлуныс. Юргисны частушкаяс, гажаа сьылiсны Анна Ивановна да Галина Григорьевна Морохинаяс. Чöскыд блинöн да пожасöн чöсмöдлiсны Татьяна Анатольевна Кузнецова да Ольга Андреевна Лютоева. Мойдын петкöдчысьясöс ворсiсны кык командаöн — Ёмалöн котырын Арина Морохина вермасис Лешöйкöд — Афанасий Морохинкöд, Скомарох — Максим Башурин аслас шуöмöн восьтiс гажсö, да петкöдчысьяскöд öтув коллялiсны гажа Тöлöс. 

Со тадзи вочсаяс бöрйысисны да гажöдчисны.

 Валентина Ширяева.

 Снимокъяс Ольга Лютоевалöн.