Кулöмдiнысь Александр Нестеровöс армияö босьтiсны Эжваса целлюлозно-бумажнöй техникумын коймöд курсын велöдчигöн. Служитö Москва обласьтын стрелкoвöй батальонса лыйсян ротаын. Висьталö, мый служба мунö кокниа, отсалö спорткöд ичöтсянь ёртасьöм, вöр-ва вылö тшöкыда петалöм. Служба бöрын кöсйö помавны велöдчöмсö, корсьны специальносьт серти удж. Зонмöс виччысьö армияысь радейтана ныв Илона Карманова, кодi öнi велoдчö юркарын искусствояс колледжын.