Кöть сiйöс босьтчисны пасйыны эз на ёна важöн, но вужъясыс сылöн пыдынöсь, мунöны колян нэмъяссянь на, кор государстволöн медся сьöкыд кадъясö буретш став йöзлöн öтувтчöм сетiс позянлун дорйыны асшöрлун, лоны зумыд, вына, ыджыд культураа странаöн.

Тайö лунö юрсиктын чукöртчылiсны учреждениеясын да организацияын уджалысьяс, велöдчысьяс, верстьö и том. Йöзлöн колана флагъясöн мунiс юрсиктса шöр уличьяс кузя, та бöрын районса культура керка водзын вöлi митинг. Чукöртчысьясöс чолöмалiсны районса юралысь Д.А.Шатохин, «Единая Россия» партиялöн районса юкöнысь политсöветса секретар И.В.Попов, райсöветса юралысь А.Н.Кондрашкин, тренер В.Н.Эрдни-Араев, «Кулöмдiн» овмöдчöминса администрацияöн веськöдлысь С.В.Рубан. Медшöр мöвпöн налöн сёрниын вöлi öтувъялунöн овны ышöдöм. Районын нэмыс овлiсны уна национальносьта йöз, и некор та кузя эз вöв некутшöм зык-вен. Öта-мöдöс гöгöрвоöм, пыдди пуктöм, удж кывкутöмöн вöчöм лоасны государстволöн , а сiдзжö, и миянлöн бур олöмлы подулöн.
Лидия ЛИПИНА.