Немдiнса шöр школаын велöдысьяс да челядь водзмöстчöны быдсикас конкурсъясын. Кольöм воын «Йöзкостса бюджет школаясын» уджтасын шедöдiсны кык грант. Водзмöстчис енбиа велöдысь Инна Васильевна Лефтер, «Важсö видзам öтув» балаöн шедöдiс 90 сюрс шайт. Тайö сьöм вылö ньöбисны уна рöма принтер, снимокъяс да кабалаяс ламинируйтан бумага, проектор да фотоаппарат…

Воинлысь мог олöмö пöртiгöн специальнöй военнöй операция дырйи Украинаын пöгибнитiс миян земляк Даниил Романович Базатин.
Воинлысь да уджалан могъяс олöмö пöртiгöн специальнöй военнöй операция дырйи повтöма да лов жалиттöг тышкасьöмысь Даниил Романовичлы Россия Федерация Президент индöдöн вичмöдöма Мужество орден – кувсьöм бöрын. Тöв шöр 25-öд лунö Коми Республикаса Юралысь Владимир Викторович Уйба киысь киö сетiс дона наградасö ефрейтор Д.Р.Базатинлöн мамлы, Елена Васильевналы.