Апрель 26 лунö тырис комын во, кыдзи лоис Чернобыльса атомнöй электростанция вылын неминуча. Сiйöс бырöдны районысь ветлiс 140-ысь унджык морт. На лыдын и Кулöмдiнысь Владимир Аркадьевич Попов. Сэки сiйö вöлi семьяа нин, кык челядя. Нуисны 1990 вося январ мöдöд лунö. Сыкöд вöлiны и районысь уна мукöд айлов. Вайисны Челябинск обласьтса Златоустö, воысьясöс öтув чукöртанiнö, а сэсянь разöдiсны кодöс кытчö. Владимир Аркадьевичöс индiсны Белоруссияö, Чернобыльсянь 102 километр сайö. Овмöдiсны эновтöм училищеын, кöнi вöлiны нин матiгöгöрысь олысьяс. Найö да сыöдз волöм йöз вевъялöмаöсь нин вöлi кызвыннас идравны радиацияа шыбласъяс, пелькöдны каръясысь уличьяс. Владимир Аркадьевичлы вичмöдiсны асфальт мыськан машина, мыйöн сöстöммöдiс ветланiнъяс. Сэсся ичöт машинаöн новлöдлiс чина йöзöс. Олiс-уджалiс сэнi во джын. Сьöлöмыс доймö на вöсна, кодъяс медводдзаясöн веськалiсны Чернобыльö, асьнысö да дзоньвидзалуннысö жалиттöг бырöдiсны лоöмторсö, унаöн абу нин ловъяöсь.
В.А.Попов кöть шойччöг вылын, но пыр на уджалö «Тепловодоканал» котырлöн шöр ломтысянiнын слесарöн.
Гижöд да снимок Галина НЕСТЕРОВАЛÖН.