Сентябр 22-oд лунo сизимoдысь чукoртчылiсны Коми республикаысь муниципальнoй котыръясса юралысьяс.
Кыдзи висьталiс чукoртчылiгoн республикаса юралысь Вячеслав Гайзер, налысь удж донъялiгoн унатор кутасны тoдвылын: тайo йoзoс уджoн могмoдoм, уджалысь предприятиеяс сoвмoдoм да выльясoс котыртoм, ичoт да шoр бизнес сoвмoдoм.
«Та дырйи районса да карса юралысьяслoн уджыс мед вoлi восьса да гoгoрвоана. Сэки тырвыйo позяс донъявны, аслас местаын-o сiйo, вер- мo-o сoвмoдны кар, район. Вермo кo — сылы вичмас отсoг, а оз кo — мортыс ачыс регыд гoгoрвоас, мый сiйo «оз кыскы» тайo уджсo», — висьталiс юралысь.
Вячеслав Гайзер пасйис, мый республика оз вермы сoвмыны юкoнъясoн, то oтилаын, то мoдлаын: «Миянлы колo, мед производство сoвмис быдлаын, став карын да сиктса районын. Сэки позяс сёрнитны выль индустриализация йылысь, сoвмoмын выль тшупoд йылысь, олoм бурмoм да Комиын олысьяслы выль уджалан сюрс местаяс йылысь. Буретш та вoсна oнiя олoмыс сувтoдo кар-районъясoн веськoдлысьяс водзo выль могъяс. Медым лoсьoдны овмoдчoминын лoнь олoм — oнi тайo абу нин тырмымoн. Талун йoз виччысьoны миянсянь мoдтор — овмoдчoмин бура, план серти, сoвмoдoм да водзын сулалысь могъяс ясыда гoгoрвоoм».
Торйoн республикаса юралысь сёрнитiс кадръяс йылысь. «Ми ставoн бура гoгoрвоам, мый веськoдлысьлы оз позь прoстo сiдз пукавны аслас креслoын, сiйo кывкутo овмoдчoмин да сэнi олысь йoз вoсна. Миянлы колo тырвыйo гoгoрвоны, кысь босьтны вын, медым сoвмыны. Мытшoдыс сыын, мый колo индыны сэтшoм йoзoс, кодъяс збыльысь вермoны веськoдлыны овмoдчoминoн. Чайта: танi пукалысьяс пиын татшoм йoзыс уна».
«Талунoдз ми гежoда на шыoдчылiм тайo кадръяс дорo. А oд буретш овмoдчoминса юралысьяс этша сьoмoн да позянлунoн унатор вoчoны, быд лун венoны сьoкыд мытшoдъяс. Та вoсна ме лыддя, мый сиктса талунъя юралысьяс пиысь позьo бoрйыны сэтшoм йoзoс, кодъяс велoдчoм бoрын вермасны вуджны районoн веськoдлысьяс тшупoдo, вермасны уджавны и республикаса министерствоясын да ведомствоясын», — шуис В.Гайзер.
Республикаса юралысь сiдзжo шыoдчис чукoртчысьяс дорo водзo сoвмoд-ны овмoдчoминъясын oтувъя асвесь- кoдлoм.
«Сёрнитны кo веськoдлoмлoн тайo тшупoд йылысь, ме век казьтывла бур опытсo земскoй веськoдлoмлысь, кор йoз кужисны котыртчыны, oтувтчыны да вoчны земстволы, а, сiдзкo, и сэнi олысь йoзлы колана удж. Тайo бур опытсo быть колo кутны тoдвылын. И зэв эськo колo, мед сиктъясын вoлiны старoста-яс — пыдди пуктана йoз, кодъяс кутасны котыртны местаяс вылын удж да олoм.
Лыддя, мый татшoм асвеськoдлoмыс колo республикаса став овмoдчoминын, а оз сoмын сэнi, кoнi эм овмoдчoминса администрация. Босьтны кo право боксянь, земствояс йылысь мoвп позьo пoртны олoмo, кыдзи талун шуoны, ТОСъяс пыр. Водзмoстчысь йoз — тайo зэв ыджыд позянлун, кодi отсалас миянлы лoсьoдны пoрадок торъя овмoдчoминын, отсалас разьны гoрoдъяс, венны мытшoдъяс, пoртны олoмo сиктса йoзлысь медся колана могъяс», — вoзйис Вячеслав Гайзер.
Меставывса асвеськoдлан котыръяслысь удж лoсьoдoм позьo заводитны муниципальнoй котыръяслoн ассоциация да водзмoстчысь йoз отсoгoн.
Пример пыдди В.Гайзер вайoдiс Емдiн районысь Гажакерoс деревня да Сыктывдiн районысь Пажга сикт: «Ме серти, татшoм бур опыт йылысь быть колo висьтавны, и оз сoмын талунъя кодь чукoртчылoмъяс вылын. Колo кыпoдны тoдoмлунъяс местаяс вылын, районъясын. Таысь кындзи, татшoм бур удж йылысь юoр колo паськoдны гoгoр, вын жалиттoг. Буретш татшoм йoзыслы окота отсавны, сы вoсна мый аддзан налысь уджсo. И республикаса правительство, ме та йылысь шуа кывкутoмoн, отсалас».
Коми республикаса муниципальнoй котыръяслoн VII-oд чукoртчылoм вылo, кодi мунiс финн-йoгра этнопаркын, Кулoмдiн районысь ветлiс 23 морта делегация. Со кыдзи донъялiсны республикаса юралысь Вячеслав Гайзерлысь кывъяс овмoдчoминса юралысьяс.
Михаил Вологжанин, Ручса юралысь: «Вячеслав Гайзер аслас сёрниын сувтлiс медшoр мытшoдъяс вылo. Шуам, кадръяс кузя. Сёрнитны кo веськoдлысьяслoн велoдчoм, веськoдлысьo велoдчoм йылысь, то тайo зэв колана. Вoлi эськo бур, татшoм велoдчoмсo кo котыртiсны районын. Оз на быдoн вермы велoдчыны госслужбалoн академияын, ставыс пыксьo сьoмo. А меставывса асвеськoдлан котыръяс, ме серти, ёнджыка лoсялoны сэтшoм овмoдчoминъяслы, кытчo пырo некымын сикт-деревня. Торйoн нин найo кo меститчoмаoсь ылын сiйo сиктсянь, кoнi администрация, кытчo сиктса юралысь оз вермы быд здукo котoртны да разьны кутшoмкo гoрoдъяс. Гырысь мытшoдъ-яс — да, сэки быть, а ичoтджыкъяс, кыдзи, шуам, сикт сoстoммoдoм, мичмoдoм — тайoс дзик нин вермасны вoчны водзмoстчысь йoз».
Екатерина Лодыгина, Носимса юралысь: «Аслас сёрниын республика-са юралысь, позьo шуны, кывкoртiс, кыдзи уджалiсны муниципальнoй котыръяс, висьталiс ёся сулалан мытшoдъяс йылысь, вайoдiс пример пыдди овмoдчoминса да районса бура уджалысь юралысьясoс. Вылo донъялiс уджсo ми-ян районса юралысь Д.Шатохинлысь, овмoдчoминса oткымын юралысьяс-лысь. В.Гайзер сiдзжo индiс водзын сулалысь могъяс. Медым бурмис йoзлoн олoм, медводз колo бура уджавны сиктса юралысьлы. Йoз кo вылo донъялoны сылысь уджсo, тайo зэв бур. А критикуйтoны кo да индалoны, сiдзкo, юралысьлы быть колo кутны тайo мытшoдъяссo аслас видзoдлас улын. Сiдзжo сиктса юралысьлы колo кужны ышoдны йoзoс, мед найo асьныс ёнджык водзмoстчисны. Тайo кывъяскoд ме тырвыйo сoглас».
Сергей Рубан, Кулoмдiнса администрацияoн веськoдлысьлысь могъяс олoмo пoртысь: «Республикаса юралысьлoн сёрниысь тыдалiс, мый сиктса овмoдчoминъяслoн став ёсь мытшoдъяс йылысь сiйo зэв бура тoдo. Нимкодь, мый В.Гайзер бура тoдса овмoдчoмин-са уна юралыськoд. Сёрнитiс нинoм дзебтoг, тыдалiсны ясыд туйвизьяс, кыдзи разьны артмoм гoрoдъяс. Меным сьoлoм вылo воoны татшoм йoзыс».
Лидия Липина