Районын сöмын «Помöсдiн» кооператив вöдитö картупель. Водзтi став совхозлöн, кутшöмсюрö предприятиелöн вöлi градвыв пуктас видзанiн, öнi колис сöмын Помöсдiнын. Кольöм вося арын татчö сюйисны 190 тонна картупель.
-Муяс вылысь босьтiм бур урожай. Тöвйис бура жö. Кольöм вося ноябрын да декабрын, тавося январын-февральын отсасисны уджтöмалысьяс. Легöдiм-вöрöдiм, торйöдiм гырысьсö да поснисö, кольöдiм кöйдыс вылö, — висьталiс градвыв пуктас видзанiн вöсна кывкутысь Тамара Егоровна Игнатова.
190 тоннаысь 40-сö кольöдiсны кöйдыс вылö. 50 тонна вузалiсны. Мöд няньöн могмöдiсны бюджетса учреждениеясöс, нянь пoжаланiнöс. Бура мунiс и районса да республикаса видз-му ярмаркаяс вылын. Тöвбыд картупельöн вердiсны сюрукъясöс. Да и öнi на номсöдлöны.
Кольöм воын кирпичысь кыпöдoм картупель видзанiн вевттисны толльöн, мавтiсны торъя краскаöн. Жыръясын колана температура кутiсны колорифер отсöгöн. Июнь öтиöд лунöдз пуктысясны нин. Мед сoмын лоас бур поводдя.