Вöлi «Оптималесын», «Мондиын», öнi асшöр уджалысь.
Быдтö Алексей да Николай пиянöс, кодъяслы квайт да куим арöс. Найö ветлöны садйö да пыр бергалöны бать дорас, кодi налы меддона морт. Алексей ветлывлö батьыскöд весиг кыйны чери да вотчыны. Батьыслы моз жö дзолядырсянь муса вöр-ва.
-Пиян ёна радейтöны, кыдзи и став челядь, кампет да мультикъяс. Ывла вылысь кöть оз пыравны. Горт гöгöрын налöн уна ёрт, и ставныс нывъяс. Öтлаынтö зэв гажа. Радейтöны серпасасьны. Колюк пыр листалö книга да быдтор юасьö менсьым, оз лэдз пусьыны, — нюмсорöн висьталiс Андрей.
Бать да пиян олöны ас керкаын. Андрей босьтчылiс лэптыны 2010 воын, но вермисны овмöдны сöмын 2017 вося арын.
-Сьöлöм вылын нимкодь, мый эмöсь челядь. Кор юксим гöтыркöд да колим öтнаным, шöйöвошлi, эг тöд, мыйö босьтчыны. Коля öд вöлi дзик на ичöтик. А меным и уджавны колiс, и челядьöс вердны да сувтöдны кок вылö, и пусьыны да керка мыськыны-идравны. Но ставсö венöмöн зумыда сувтi кок вылö. Пиян быдмыштiсны да отсасьыштöны нин. Ме лыддя ачымöс шудаöн. А мыйла абу? Челядь эмöсь, керка эм, путö унаöс нин пуктi. Ставсö вöчи, мый колö айловлы, — сьöлöмсö восьтiс Андрей.
Мед эськö татшöм батьыс вöлi унджык. Кузь нэм да бур шуд тiянлы, Андрей, Алексей да Николай.
Галина Клюжева.
Снимок Илона Артеевалöн.