Кулöмдiн, Сыктывдiн, Сыктыв да Емдiн районъясысь вöлi 13 котыр, медуна миян районысь — Кулöмдiнысь, Кебанъёльысь, Тимшерысь, Дiасёръяысь, Пожöгысь, Вöльдiнысь, Керчомъяысь, Шöръягысь, Дереваннöйысь. Ворсöм котыртысьяс вочаалiсны локтысьясöс няньöн-солöн.
Чолöмалан кывъясöн шыöдчисны том йöз дiнö да сиисны бур вермöмъяс районса администрацияöн веськöдлысьöс вежысь А.И.Федюнёва, «Пожöг» овмöдчöминса юралысь Н.А. Шахова, «Пажга» овмöдчöминысь том йöзлöн котырöн веськöдлысь Л.В.Богатова.

Ордым вывтi мунтöдз быд «вöралысь» мынтöдчис «сьöд лолысь» да та могысь кералiс черöн кыдз пу да вуджис восьсаинöдыс. «Йиркаплöн» мойдкывса ордым серти (ворсöмлöн спорта юкöн) колiс вуджны лёк вомöн, мунны пу кокöн, лыйлыны пасö шыöн да ньöвйöн, пестыны бипур, отсавны водительлы, котöртны лямпаöн да с.в. Спортса юкöнын вермысьöн лоис Сыктыв районысь «Шандыр-бандыр» котыр, мöдöн — Шöръягысь «Убойная сила», коймöдöн — Пожöгысь «Зумыд парма».
Пажун бöрын котыръяс петкöдлiсны сямнысö Пожöгса культура керкаын. Петкöдчöмсö сиисны республикаын чужан му дiнö муслунлöн волы. Юргисны войнадырся «Катюша», «Смуг-лянка», «Журавли», «Мой генерал» сьыланкывъяс, том йöз пуктiсны айму дорйысьяслы сиöм петкöдчöмъяс. Найö сiдзжö лыддисны кывбуръяс, петкöдлiсны тыш да удж пыр войнадырся кад. Енби пет-кöдлöмын медбурöн петiс Пожöгысь «Зумыд парма» котыр, мöдöн лоис Дiасёръяысь «Воины света», коймöдöн — Керчомъяысь «Кодзувъяс» котыр.
Ворсiгчöж культура кер-каын вузасисны «Йиркапкöд» йитчöмторъяса вöчöмторъясöн.
Став петкöдчöм серти вермысьöн петiс По- жöгысь «Зумыд пар- ма» котыр. Мöдöн лоис Дiасёръяысь «Воины света», коймöдöн — Визинысь «Шандыр-бандыр» котыр. Вермысьяслы вичмисны дипломъяс да козинъяс, мукöдъяслы — аттьöалан гижöдъяс. Ворсöм котыртысьяслы вичмис- ны районса юралысьлöн аттьöалан гижöдъяс.
Ворсöмсö котыртiсны районса администрацияысь общественносьткöд йитöд кутан да том йöзлöн туйвизь кузя юкöн, «Пожöг» овмöдчöминса администрация, «Пожöг» овмöдчöминса том йöзлöн котыр, Пожöгса шöр школа, районысь спортын петкöдчанторъяслöн шöрин, Пожöгса культура керка.
Гижöд да снимокъяс районлöн сайт вылысь.
Снимокъяс вылын: вермис Пожöгса «Зумыд парма» котыр; ветлiсны и пу кокöн.