Велöдчöм бöрын уджалiс бухгалтерöн вöр лэдзан котырын, кодi тупкысис. Гортсяньыс велöдчис культура колледжын да босьтчис уджавны клубын гаж котыртысьöн. Танi 16 во нин. Йöз вежавидзысьöсь, пыдди пуктöны, уджавны сьöлöм серти. Гажöдöны «Югыд кодзув» сьылан да йöктысь челядьлöн «Веснушки» котыръяс. Пуктылöны тешъяс. Нöшта эмöсь ворсöмъяс петкöдлысь «Öшкамöшка» да киöн вöчасян котыръяс. Ветлывлöны гажöдны орчча сиктъясö. Отсасьöны школа да Дон сиктса администрация, бöръяыс век сетö машина. Бур эськö вöлi, отсалiсны кö судзöдны тренажъёръяс. Сэки эськö клубö локтiсны унджыкöн.
Галина КЛЮЖЕВА.