Иван Николаевич Мурлин пуктiс ыджыд пай районса туйяс вöчöмö да дзоньталöмö. Воис районö 1989 воын, пырис туй вöчан «Север» котырö, кодi меститчис Донын. Вöчисны Донсянь Немдiнöдз да Кулöмдiнöдз туй. Медводз уджалiс машина вылын: ваялiс лыа, галяиз, асфальт. Кывкутысь да удж бура тöдысь специалистöс (Татарстанын помавлiс туй техникум) индiсны участокса начальникöн. Кык во уджалiс и туй вöчан Ухтаса «Темп» котырын. Бергöдчис районö да öкмыс во нин мастералö туй вöчан да дзоньталан Кулöмдiнса участокын. Сылöн уджалысь котырлöн сойборд улын 76 километр кузьта Носим-Аныб-Лабором, 12 ки-лометр кузьта Дон-Немдiн, Сыктывкар-Мылдiн туй вылын Кулöмдiнсянь Пожöгö кежтöдз 45 километр кузьта туй костъяс.
— Таво гожöм юрсиктса Сöветскöй улича вылö вольсалiм 300 метра асфальт, Сыктывкар-Мылдiн туй вылын тыртiм гуранъяс, öнi уджалам юрсиктса выль сад йöрын, — висьталiс И.Н.Мурлин.
Марина ДАДАШОВА.