Быд мыж вöчанiнö медводз пырö эксперт-криминалист, кодi гöгöр видзöдö да пасъялö. Сiйö туялö чунь туй либö кок туй, томан жугöдантор, мортлысь гижанног, пурт либö оружие, сiйö али абу мортыс, кодi снимок либö мыж вöчан кадö веськалiс видеокамера вылын да с.в. Эксперт отсалö следовательяслы, дознавательяслы, оперативнöй уджалысьяслы, мед öдйöджык восьтны-эрдöдны мыж вöчöм. Сьöкыд, зэв кутана удж. Буретш сiйöс и бöрйис Иван Владимирович Филимонов, кодi таво помалiс Россияса пытшкöсса делöяс министерстволысь Санкт-Петербургса университет да пырис уджавны районса юкöнö. Эксперт-криминалист районын öти и эм. Лун кöть вой, шойччан либö праздник лун, кöнкö кö вöчисны мыж, локтö медводз.
-Позьö шуны, эксперт сайын мортлöн олöм, веськалас-ö дзескыдiнö либö оз. Сöмын сюся да стöча уджалöмöн-туясьöмöн, эрдöданторъяс казялöмöн и восьтам мыж вöчöм, аддзам вöчысьöс. Удж сьöлöм серти, унатор нин тöдса. Владимир Борисович батьöй 20 сайö во уджалiс милицияын да ГИБДД-лöн районса юкöнын. Тшöкыда волi сы дорö, — висьталiс И.В.Филимонов.
Гижöд да снимок
Марина Дадашовалöн.