Шахсиктын чужлöм Нина Леонидовна Чисталёва кызь воысь дыр уджалö шöр бурдöдчанiнын бухгалтерöн. Школа помалöм бöрын велöдчис Сыктывкарса 22-öд номера училищеын сиктса стрöитчысь мастерö. Воысь дыр уджалiс Кулöмдiнса 1202 номера ПМК-ын штукатур-малярöн. Ассьыс пай пуктiс юрсиктын шöр школалысь да бурдöдчанiнлысь выль керкаяс кыпöдöмö. Стрöитчан уджыд сьöкыд, да шуис вежны. Сыктывкарса кооперативнöй техникум помалöм бöрын регыд уджыштiс Ручса сельпоын бухгалтерöн да экономистöн. Шöр бурдöдчанiнын босьтчылiс бухгалтерсянь, öнi главнöй бухгалтерöс вежысь. Кыдзи шуö ань, уджыс юрвывтыр, кöть уджалö 12 бухгалтер, öд на улö пырö районысь кызвын бурдöдчанiныс. Матысса кадö вуджас и Помöсдiнса больнича да сы улö пырысь фельдшерско-акушерскöй пунктъяс. Но бухгалтеръяс ас кадö вевъялöны вöчны тшöтайтан став удж.
Нина Леонидовналысь уна вося бур уджсö пасйисны районса администрациясянь да шöр бурдöдчанiнсянь почёт грамотаясöн.
Гижöд да снимок
Галина Нестеровалöн.