Кулöмдiн шöр школаса лесничествоöн веськöдлö биология велöдысь, ыджыд сяма специалист Людмила Евгеньевна Уляшёва. Апрель 26 лунö «Лесовичоклöн» вит морта котыр петавлiс юрсиктса уличьяс вылö. Велöдчысьяс юасисны, мыйö вермас вайöдны кос турун сотöм, кодъяс кусöдöны вöрса öзйылöмъяс, тöдöны-ö йöз, кытчö позьö юöртны вöр сотчöм йылысь. Бöръя юалöм вылö вочакыв эз тöдны унаöн. Том йöз разöдiсны «Мыйöдз вермас вайöдны тулысын кос турун сотöм» гижöд. Сэтчö жö пасйöма вöр видзан юкöнлöн 8 800 100 94 00 телефон номер, кытчö позьö звöнитны, казяланныд кö сотчысь вöр.

Школаса лесничестволы ыджыд отсöг сетö Кулöмдiнса лесничество: могмöдiс формаöн, вöрö ветлан эмбурöн, узьлан мешöкъясöн, палаткаясöн да с.в. Со и талун велöдчысьяслы отсасис лесник Алексей Иванович Тотилас.
Гижöд да снимок Лидия Липиналöн.
Снимок вылын: А.И. Тотилас да Л.Е.Уляшёва кос турун сотöмлы паныд удж нуöдiгöн.