Содтöд тöдöмлунъяс сетысь велöдысьяслöн «Сьöлöм сета челядьлы» республикаса конкурс вылö Ирина Юрьевна Симпелева мунiс эз куш киясöн. Ыджыд пестерын вöлiны серапалич, зиль-зёль, пу паньяс, тотшкöдчан да шылад ворсан мукöд инструмент. Петкöдчысьяс пиысь öтнас вöлi коми паськöма, öтнас и ворсiс да сьылiс чужан кыв вылын. Ирина Юрьевнаöс вылö донъялiсны коми музыка сöвмöдöмысь да пасйисны дипломöн. Восьса урок вылын Ю.А.Спиридонов нима искусствояс гимназияысь челядьöс велöдiс ворсны коми инструментъяс вылын, сьывны да колананог кутны асьнысö сцена вылын. Дорйис и ассьыс «Домисолька» уджалан программа. Челядь творчестволöн районса керкаын зiльысьлöн и челядь енбиаöсь. Петкöдчöны районса фестивальясын, конкурсъясын. Мартын «Весенние ритмы» республикаса конкурсын «Домисолька» босьтiсны коймöд места.
И.Ю.Симпелева водзмöстчö тшöтш спортын. Таво районын медводдзаысь котыртöм «Олимпиада» ордйысьöмын лыйсьöмын лоис медстöчöн. Рытъяснас ветлöдлö спортзалö, тшöкыда сувтлö лыжи вылö.