Таво гожöм «Мондилöн» вичмöдöм сьöм вылö ёна дзоньталiсны Мысса школа-сад.
Выльпöв ковмис лöсьöдны подувсö. Сiйöс кыпöдыштiсны, тэчисны шлакоблокъяс, а сэсся брускысь лэптiсны стен, кодi лоис воддзасьыс метра джын вылö вылынджык. Важыс, клей отсöгöн йитлöм щитöвöй панельяс, тшаксялöмаöсь да лоöмаöсь шогмытöмöсь — подулыс вöлöма мусьыс улынджык, лыаыс кыскöма горувсьыс васö да сiсьтöма стенъяссö. Выльпöв ковмис и джоджйысьны, сэсся вевттьыны фанераöн да линолеумöн. Та вылын уджъяс эз на эштыны. Сад öтар-мöдартiыс колö кодйыны гуранъяс, медым кырйö пырыштöм стрöйба помыс зэ кöтась выльысь да эз нёдзды. Став уджъяс бергöдö районса «Евро-Уют» котыр.