Шоныд оланiнö

[ A+ ] /[ A- ]

Бать-мамтöм да налöн дöзьöртöг кольöм челядьлы  оланiн йылысь юöръясöн юксьö районса администрацияын социальнöй политика юкöнысь шöр эксперт Татьяна Алексеевна Лавренова.
Кулöмдiн районса администрацияöн бать-мамтöг да налöн дöзьöртöг кольöм челядьöс овмöдöм кузя уджмогъяс ас вылö босьтöмсянь талунъя лун кежлö овмöдöма бать-мамтöм да налöн дöзьöртöм 173 мортöс.
Овмöдöма тайö войтырсö Кулöмдiнын, Кебанъёльын, Зимстанын, Выльгортын. Та кындзи овмöдчисны и Сыктывкарын да Ухтаын.
Кольöм воын овмöдöма 15 мортöс. Таво вылö урчитöма дасьтыны 13 оланiн. Воысь воö оланiнъяс дасьтöм лыдыс оз сод, сы вöсна мый ставыс донсялö, кыптö доныс и оланiн вылö.
Талунъя лун кежлö оланiн сетан чередын сулалö 23 арöса да ыджыдджык 123 морт, 85-лöн кад серти воис оланiн босьтöм вылö право.
Кор мортыслöн воö оланiн вылö черед, сiйö медводз видзöдлö патерасö. Воас кö сьöлöм вылас, кырымалö овмöдчöм вылö Кöсйысьöм. Ключьяс сетiгöн кырымалöны 5 во кежлö торъя оланiн фондысь оланiн медалöм йылысь Сёрнитчöм. Сэнi урчитöма оланiн босьтысьлы став индöдсö. Медшöрыс — колö ас кадö вештысьны патера медалöмысь (талунъя лун вылö 200 шайтöн быд тöлысь), биысь, ваысь да овны олан правилöяс торкавтöг.
Кулöмдiнын Сосновая уличын арболит блокъясысь лэптöм выль керкаяс сувтöдöма лентаöн вöчöм фундамент вылö, эжöма вагонкаöн, эм торъя пыранiн-посводз. Матысса кадö кык татшöм керкаö овмöдчасны 8 бать-мамтöм да налöн дöзьöртöг кольöм том морт.
Ария Напалкова.

Комментарии:

Добавить комментарий

Свежий выпуск: 28 марта

Осторожно — мошенники!