Кулöмдiнысь «Улыбка» садса быдтасъяс ГТО-лысь нормативъяс сдайтöмöн пырöдчисны «Первой классö ГТО значокöн» акцияö. Тадзи найö видлiсны ассьыныс выннысö. А ГТО тестируйтан шöринысь специалистъяс пыр унджык быдмысь войтырöс зiльöны кыскыны физкультура да спорт радейтысьяс лыдö.

Тапöрйö садса 18 дзолюк петкöдлiсны котралöмöн, меставывсянь чеччалöмöн, копрасьöмöн, мач шыблалöмöн да мукöдног ассьыныс пельклун, тэрыблун, вын да сям. Челядь ёна зiлисны да вöчисны ставсö зэв кывкутöмöн. Медбура петкöдчисны Полина Кипрушева , Егор Кун, Ксения Пименова, Яна Попова, Карина Кириченко да Павел Булышев.Налы вичмис ГТО значо-сувенир. Быдöнлы сетiсны участниклысь сертификат.

Нуöдысьяс корисны на садйö котралысьясöс волыны выльысь майын, медым видлыны асьнысö ывла вылын вермасьöмъясын: дженьыд (30 м) да кузь (1000 м) дистанция котöртöмын. Эскам, мый сэки ставöн шедöдасны удостоверениеа ГТО значок.

ГТО тестируйтан шöринын уджалысьяс аттьöалöны казьтылöм садса уджалысьясöс не сöмын челядьöс, но и уджалысьясöс физкультураöн спортöн занимайтчыны ышöдöмысь. Тадзи найö пуктöны ассьыныс пай бурнога оласног паськöдöмö.
Ольга Васильева.