Пионеръяслöн керкаöн веськöдлысьяс

Талунъя гижöдын сетам Кулöмдiнысь пионеръяслöн керкаöн ас кадö веськöдлысьяс йылысь неыджыд пасйöдъяс. Найöс дасьтöма учреждениелöн архивысь документъяс да уджалысьяслöн казьтылöмъяс серти. Стöчмöдöмъясöн да асланыд мöвпъясöн позьö шыöдчыны 94-244 телепон пыр Оксана Анатольевна Кузнецова дорö.
Корам газет лыддьысьясöс юксьыны тшöтш асланыд казьтылöмъясöн.

Галина Константиновна Кремская 1953-öд вося гожöмын (юнь-юль) тöлысь да джын юрнуöдiс веськöдлысьлöн шойччан кадö. Сы бöрын юль шöрсянь август 15-öд лунöдз веськöдлысьлысь могъяссö олöмö пöртiс Кулöмдiн районын паськыда тöдса Коми пединститутын велöдчысь на Дина Петровна Рассыхаева, верöс сайö петöм бöрас – Буракова. Институт помалöм бöрас сэсся 1962-1963-öд воясын веськöдлiс пионеръяслöн керкаöн.

1953-öд вося август 25-öд лунсянь 1954-öд вося февральöдз уджалiс тайö должносьтяс Лидия Изосимовна Одинцова. Сы бöрся воысь неуна дырджык уджалiсны первой Лидия Георгиевна Вишератина, сэсся Зоя Васильевна Есева. 1956-öд вося юньсянь 1957-öдся мартöдз кад кежлö индылöмаöсь веськöдлыны пионеръяс керкаöн Бела Ефимовна Глушанковаöс. А Александра Ивановна Попова кывкутöма котырыслöн удж вöсна сэсся 1962-öд вося август шöрöдз, во помöдзыс уджалöма Анна Фёдоровна Мозымова. Сы бöрын август 22-öд лунсянь индöмаöсь вескöдлысьнас Антонина Васильевна Сладкоштиеваöс, кодi уджалöма кык воысь неуна дырджык.
1964-öд вося октябрсянь 1966-öд вося гожöмöдз челядьлысь медшöр енби пестысьöн вöлöма Анфиса Александровна Остриковская (Белослудцева). Евгения Ивановна Порошкина зiльöма тайö должносьтяс 1968-1977-öд воясö. А 1977-öд воын индöмаöсь Лия Перовна Тарачёваöс, кодi таöдз вöлöма райисполкомын партияса инструкторöн. Сiйö веськöдлiс пионеръяс керкаöн 1983-öд воöдз. Тайö жö вося сентябрсянь 1984-öд вося октябрöдз веськöдлiс Муза Пантелеймоновна Худякова, сы бöрын öти во – Тамара Дмитриевна Селиванова, а сэсся 1985-öд вося сентябрсянь 1996-öд вося октябрöдз – Галина Васильевна Нестерова.
8 во (1996-2004) пионеръяс керкаöн веськöдлiс Вера Вячеславовна Потоцкая. Сы бöрын бара на тшöкыда вежласьöмаöсь веськöдлысьясыс, во джын уджалöма Евдокия Александровна Шахова, öти воан – Нина Фридриховна Касева да Лариса Николаевна Першина, сэсся бара недыр – Н.Ф.Касева.
2007-öд во помсянь веськöдлö Оксана Андреевна Тюрнина, а пионеръяс керка пыдди öнi шусьö челядьлысь енби сöвмöдан районса керкаöн.
Оксана Кузнецова.
Гижысьлöн чукöртöмысь снимокъяс вылын Александра Ивановна Попова; Дина Петровна Буракова пионеръяскöд.