Тöдмалöны уджаланног

[ A+ ] /[ A- ]

Март 16-öд лунö республикаö, тшöтш и миян районö, локтiсны Санкт-Петербургысь чери кыйöм кузя федерацияса агентстволöн Рытыв-Войвыв управлениеысь государственнöй инспекторъяс.
Тувсовъя чери кыян кад кежлö дасьтысигöн кытшовтöны налöн сойборд улö пырысь кар-районса юкöнъяс. Кулöмдiнын видзöдлiсны уджалан жыр, удж котыртöм, йöзкöд уджалöм, техника да мукöдтор. Йöзкöд сёрниысь тöдмалiсны районын госинспекторлысь уджаланног, кыдзи асьсö кутö йöзкöд аддзысьлiгöн, веськыд-ö, стрöг-ö чери кыйöмын урчитöмторъяс торкалысьяскöд, паныдасьлö-ö вывтiасьöм, кывкутысь-ö уджас да с.в.
Санкт-Петербургысь воысьяс аддзысьлiсны и районса юралысь — районса администрацияöн веськöдлысь С.В.Рубанкöд.
Республика пасьта вöчöм кывкöртöдöн тöдмöдасны март 19-öд лунö республикаса юралысь бердын ыджыд чукöртчылöм дырйи тувсовъя чери кыян кад кежлö дасьтысьöм йылысь сёрнитiгöн.

Комментарии:

Добавить комментарий

Свежий выпуск: 28 марта

Осторожно — мошенники!