Кулöмдiнын водзö кыпалö тыр арлыдтöмъяслöн социальнöй реабилитация юкöнлы выль керка. Лэптöны сiйöс мирöвöй судлöн керка сайö.

 Техникалы гараж сувтöдлiсны нин кольöм воын. Муö сюисны сваяяс, регыд кисьтасны цемент. Подув чорзьöм бöрын керкасö босьтчасны лэптыны, та вылö эм став коланаыс. Вайисны нин кран, колис сöмын тэчны. Керкаыс лоö куим судтаа, урчитiсны вöчны 15 кагалы.

 Öнi тыр арлыдтöмъяслöн социальнöй реабилитация юкöн меститчö Кебанъёльын, пу керкаын да оз лöсяв öнiя корöмъяслы, сы серти колö мед вöлi кирпичысь. Ёна кöдзыдъяс дырйи пу стрöйба, медым жыръяс шоналiсны, колö ёна ломтыны.

 Öнi сэнi олысь нывкаяс да зонкаяс велöдчыны ветлöны сэтчöс школаö. Ичöтджыкъяскöд уджалöны места вылын.

 Кулöмдiнын тыр арлыдтöмъяслöн социальнöй реабилитация юкöнлы выль керкаö вуджöм бöрын челядь велöдчыны заводитасны Кулöмдiнса шöр школаын, садса челядьöс видзны кутасны юкöнын. Керкаын лоасны торъя ворсан-велöдан жыръяс да ас ломтысянiн да пусянiн.
 Татьяна Чувьюрова.
 Снимокъяс гижысьлöн.