Оксана Васильевна Лебедева, велöдан управлениеöн веськöдлысь:

• Кыпыд ворсöмъясöн, выльпыртöмъясöн, тöдöмлунъясöн юксьöмöн районын воссис Велöдысьöс нимöдöм — ыджыд сяма туйдысь да велöдысьлы сиöм во. Во гöгöр чöж на кутасны нуöдсьыны унасикас мероприятиеяс. Тайö нырвизьын котыртчасны школаяс да клубъяс. Быд велöдчанiнын, медым уджö кокниа пырöдчыны, том велöдысьöс сетöма джуджыд тöдöмлунъяса кипод улö. Тайö зэв коланатор: кыкнанныслöн содöсöвмö челядькöд уджалан да велöдан сям. Окота, медым наставник лоис том велöдысьлöн збыль сьöкыдлунъясысь петан туй корсьны отсалысьöн, бур специалистöс быдтысьöн, а том велöдысь бöрйöм уджын öдйöджык зумыда сувтiс кок йылö.