Подöн важас

[ A+ ] /[ A- ]

«Ленин туйöд», 1970 вося март 12-öд лун

Уджалö выль организация
Миян районын куим тöлысь сайын воссис выль организация — ремонтно-строительнöй участок. Сiйö нуöдö ремонтнöй уджъяс разнöй объектъяс вылын.
Ремонтно-строительнöй участок котыртö 89 мортöс. Талун танi котыртöма сöмын на öти бригада, кык звено вылö юкöмöн. Эм коймöд звено, кодi вöчö отделочнöй уджъяс. Но регыдъя кадö участок паськалас, лоас нин котыртöма куим бригада.
Öти бригада ремонтируйтö Усть-Куломысь вый вöчан завод, связь отделениелысь да ЭТУС-лысь керкаяссö. ЭТУС-сö ремонтникъяс шуисны эштöдны апрель 22 лун кежлö.
Отделочнöй уджъяс вöчан звеноын бура уджалö штукатур-маляр Аня Пирогова. Томиник ныв помалiс Сыктывкарын профессионально-техническöй училище, кытысь воис профессиясö бура тöдысь мортöн, отделочнöй уджъяс кузя специалистöн. ГПТУ-ын велöдчытöдз на Анялы туйсö восьтiсны механизированнöй отрядса ёртъясыс, кытöн сiйö уджалiс кык во.
Öнi Аня Пирогова — зэв бур уджалысь, нормасö тыртö 115-120 процент вылö быд тöлысь. Анялысь уджсö неважöн пасйисны дона пöдарокöн — часiöн.
Столяр. Сылöн уджыс сiзджö кывкутана, кыдз штукатурлöн да малярлöн. Уна ошкана кыв позьö кывны столяр Доментий Гичев йылысь. А сiдзжö шофёр Дмитрий Мишарин йылысь. «Зэв зiль, авъя морт сiйö, — висьталö техник-строитель Г.Г.Дмитриева Д.Мишарин йылысь, — сöмын сiйöс ми мöдöдам кывкутана уджъяс вылö да рейсъясö».
Ремонтно-строительнöй участоклöн планыс первой кварталын — 40000 шайт, 24 тысячасö тыртöма нин. Öнi ремонтникъяс зiльöны встретитны ленинскöй юбилей бур трудöвöй козинъясöн.
В.Попова.

Комментарии:

Добавить комментарий

Свежий выпуск: 28 марта

Осторожно — мошенники!