Подöн важас

[ A+ ] /[ A- ]

«Ленин туйöд», 1970 вося январ 13-öд лун

И налöн уджыс зэв кывкутана


Вежонся удж бöрын, ме чайта да, некод оз öткажитчы пöсь пывсянысь, торйöн нин тöвся кöдзыдъяс дырйи. А райцентрса олысьяс пöвстысь уналöн абуöсь асланыс пывсянъяс. Вот сэтшöмъяссö и обслуживайтö Усть-Куломскöй коммунхозлöн коммунальнöй пывсянса коллектив, кодöн веськöдлö ассьыс делö бура тöдысь шань нывбаба Мария Николаевна Боровская. Торйöн нин содiс пывсьысьяслöн лыдыс выль коммунальнöй пывсян стрöитöм бöрын. Кольöм 1969 воын предприятиеса коллектив йöзöс обслуживайтöм кузя вося плансö тöдчымöн вевтыртiс. 27000 морт план дырйи сiйö во чöжöн обслужитiс 33400 мортöс. Таын ыджыд заслугаыс коммунальнöй пывсянса уджалысьяслöн: кочегар А.И.Напалковлöн, сантехник Н.В.Липинлöн, очистительнöй сооружениеяс вылын уджалысь В.А.Марченколöн да мукöдъяслöн. Найö кадöн лыддьысьтöг, сьöлöмсяньыс уджалöны индöм участокъяс вылын.
Водзö бурмöдöны йöзöс коммунальнöя обслуживайтöм, достойнöя пасйыны Ленинскöй юбилей — татшöм мöвпъясöн олö да уджалö талун предприятиеса коллектив.
И.Чаланов.
Снимок Александр Рассыхаевлöн.

Комментарии:

Добавить комментарий

Свежий выпуск: 28 марта

Осторожно — мошенники!