ПОБЕДА
Василий Лодыгин
Оз куслы усьöмъяслы би,
Москваын медся ыджыд лола.
Победа бöрсяяс нин ми
Да сылöн вермöмöн и олам.
Ас сиктын сулалö жö пас,
И сэнi нимъяс, вичъяс, овъяс.
Ми чайтам, сувталасны, час,
Öд быдöн сьöлöманым ловъя.
И накöд ловъя фронтöвик
Сё граммсö нимкодьпырысь юас
Да сэсся фронт вылын моз дзик
«Ми вермим!» сьöлöмсяньыс шуас.
Победа — зэв öд ыджыдтор,
Победа — олöмнымлöн сюрöс.
Став мирыс сулалö сы дор,
Öд сiйö медся ыджыд бурыс.
Комментарии: