Петкöдчас республикаын

[ A+ ] /[ A- ]

Мойдлöн дворечö веськалöм нывкаяс да зонкаяс велöдiсны сёрнитны лёка сёрнитысь Буратиноöс, Лягушка Саревна найöс велöдiс ворсöдчыны кывйöн, небыдик Тöвру — лолавны да с.в. Тадзи аслас велöданногöн да йöз челядькöд петкöдчис воспитательяслöн конкурсын вермысь Кулöмдiнса медводдза садйысь велöдысь-логопед Татьяна Владимировна Шеболина. Чукöртчысьясöс велöдiс, кыдзи уджавны лёка сёрнитысь челядькöд. Петкöдлiс кыдзи кывбур лыддьöмöн чужöм, голя, пельяс вылын чуньясöн, паньясöн, гöна-ворса кепысьöн песны, небзьöдны яйчиг. И мед мукöд воспитательяс тайö пыртiсны асланыс уджö, велöдiсны челядьöс аслыныс вöчны татшöм массаж, да школаö петысьяс сёрнитiсны ясыда нин.
Пасъям, конкурслöн медводдза тшупöд мунiс январ 25-öд лунсянь февраль 10-öд лунöдз. Февраль 18-19-öд лунъясö мöд тшупöдын Татьяна Владимировна кындзи петкöдчисны Кебанъёльса садйысь шылад велöдысь Светлана Андреевна Нестерова, Ручысь тшöтш шылад велöдысь Татьяна Валериевна Попова, да кыкнаныс босьтiсны коймöд места, Югыдъягысь воспитатель Валентина Владимировна Александренко лоис мöдöн. Быдöн дорйис асланыс велöдан туйвизьын бала, юксис уджалан сямöн.
Апрельын лоас воспитательяслöн республикаса конкурс, кöнi петкöдчас районса конкурсын вермысь Татьяна Владимировна.
Марина Дадашова.
Снимок
Татьяна Шеболиналöн чукöртöмысь.

Комментарии:

Добавить комментарий

Свежий выпуск: 28 марта

Осторожно — мошенники!