…Валентина Дмитриевна Надуткина чужлöма 1968 воын Руч сиктын. Ичöтсяньыс вöлöм окота тöдны быдтор. Кöкъямыс тöлысьöн киас босьтöма карасин лампа, но пöрöма сы вылö да кисö ёна сотас кагаыдлысь. Сэкся дойясыс öнöдз на пö кылöны да казьтывлöны асьнысö.
«Ичöтдыр казьтывла бурöн, мед кöть и öніяся кодь чачаясыд эз вöвны (из да стеклööн ворслім), кукла пыдди гартыштлім каньöс, чеччалім пöвйöн, сикт пасьтала ворсім дзебсясьöмысь.12 арöссянь уджалі совхозын: киськалі капуста, пукті турун, отсаси Лидия Степановна Надуткина мамлы лысьтыны мöс. Школаын велöдчигöн петкöдчи концертъясын. Бать-мамлöн вöлім витöн (Геннадий, Людмила, Вениамин, ме да Иван вок). Ёртыд уна жö вöлі, öні на накöд кутам йитöд. Люба Поповакöд неважöн на аддзысьлім, Нина Кирушевакöд телепонöн сёрнитлам, Нина Игушева ичинькöд гусяторъясöн юксьыштлам», — висьтасис Валентина…
Водзö лыддьöй январ 21-öд лунся «Парма гор» газетысь.
Жанна Сизева.
Снимок гижыслöн чукöртöмысь.