Миян йöз

[ A+ ] /[ A- ]

2017-öд вося сентябрсянь «Руч» овмöдчöминöн веськöдлö Дмитрий Вениаминович Кирушев. Аныбöс Руч дорö öтувтöм бöрын тöжд-мог содiс. Ветлö сэтчö вежоннас кыкысь-куимысь, аддзысьлö йöзкöд да кывзö налысь тöжд-могъяс, корсьö петан туйяс. Медся ёна майшöдлö Эжва вомöн вуджан пос, кодi кылавлiс да век на сувтöдтöм. Майшöдлöны и лöп-ёгöн тырöм, азьгумлöн паськалöм, понъяслöн шöйтöм, Дереваннöй да Носим костын лёк туй. 
Водзмöстчöны депутатъяс, кодъяс сизимöнöсь. Тöлысьнас чукöртчылöны кыкысь, кывзöны йöзлысь тöждъяс-могъяс, вочавидзöны юалöмъяс вылö. Администрация пырöдчö быдпöлöс балаясö. Кольöм воын вермис асвеськöдлан котыр да сувтöдiсны тылса да войнаса челядьлы казьтылан пас. 2019-öд воын вермисны «Йöзкостса бюджет» бала серти да лöсьöдасны ён-мöдчанторъяс. Ас вынъясöн дзоньталiсны гараж, кöнi школалöн, кусöдчысьяслöн да администрациялöн машинаяс. Ёна отсасьö олöмаяслöн котыр, кöнi медся водзмöстчысь йöз. Налöн эм «Сударушка» сьылан котыр, петкöдчöны быд гажын. Регыд на босьтчисны ворсны пионерболысь, ветлiсны районса ордйысьöм вылö да лоисны мöдöн. Вöлiны нин Югыдъягын, Кулöмдiнын, Дереваннöйын. Дмитрий Вениаминович пыр вичмöдö транспорт. 
Дмитрий Вениаминович сьылö Аныбса «Пöлöзнича» котырын, кодi тшöкыда ветлö гажöдны мукöд сиктсаясöс. 
Галина КЛЮЖЕВА. 
Снимок Анна Холоповалöн.

Комментарии:

Добавить комментарий

Свежий выпуск: за 14 ноября