Мам

[ A+ ] /[ A- ]


Чужан му. Тайö мелi кывйыс олö быд сьöлöмын. Кодлöнкö сiйö йитчö пашкыр, сöстöм сынöда вöр-вакöд, сюсь кельыдлöз юяскöд, асъя шондiкöд. Мöдлöн сьöлöмас кольöмаöсь велöдчан вояс, ёртъяс. Чужан му йылысь сёрнитiгöн меным дум вылö медводз воö мамöлöн киыс, небыд, шоныд.
Мам. Кымын радейтöм, тöждысьöм да мелiлун шымыртö тайö дженьыдик кывйыс. Кутшöм донатор дзебсьö тайö кывъяс. Некутшöм озырлун, зарни да кодзув оз вермыны вежны мамлысь небыд нюмдöмсö. Быд мортлы колö мам, кодi тöждысяс, радейтас да видзас ассьыс кагасö.
Менам мам. Медся дона морт. Сы дорö радейтöмыс помтöм-дортöм саридз кодь. Мамлöн сьöлöм гöгöрвоö, кор меным лёк. Сьöкыд здукö дзигöдас, окыштас. Здук мысти лоас гажа да кокни. Сiйö менö видзысь да дорйысь. Чужтiс вöльнöй светас, сетiс олöм. Велöдiс сёрнитны, кутны киын пань, вöчны медводдза воськовъяс. Нуис кагульнича дорö, а некымын во мысти босьтiс киöд да нуис школаö. Быд выль тшупöд воськовтiгöн мам дiнын.
«Чужан му – сiйö мамыдлöн сой, пöттöдз нёнясьöм бöрын кöн сывкмунлiн,» — Г.А. Юшковлöн кывбурсьыс гöгöрвосьö, мый чужан му дорö муслуныс йитчöма мамкöд жö.
Дарина Дёмина.
Скöрöдум.

Комментарии:

Добавить комментарий

Свежий выпуск: 28 марта

Осторожно — мошенники!