[ A+ ] /[ A- ]
- Водзтi турун пуктылiм ки помысь. Ытшкылiм гöрбуша косаöн, ыджыд видзьяс вылö медавлiм трактор. Кипомысь жö куртлiм, чöвтлiм, видз вылас жö и зорöдавлiм. Ньöбим мотоблок, да лоис кокньыдджык ваявны ылысьыс турунсö. А öнi, майбыр, тракторнад, — кыпыд руöн сёрнитiс Дереваннöйысь Вера Николаевна Попова.
Кор кывсис государстволöн выль программа социальнöй контракт йылысь, эз кольччыны Владимир Иванович Чувьюров верöсыскöд. Сёрнитiсны челядьныскöд да шуисны пырöдчыны. Став кабаланас ань ноксис ачыс. Гижис бизнес план, кужтöгыд эз на и пыр и артмы. Звöнитiс вель унала, юасис, тшöтш и фермеръяслысь. Лöсьöдiс бала да мöдöдiс йöзлы социальнöй сетан шöринö. Пасйис, мый кöсйö босьтчыны асшöр уджö да овмöс бергöдны ньöбны дзоля трактор. Воис юöр, мый донъялiсны аньлысь мöвпыштöмторсö. И со июньсянь Вера Николаевна крестьянин овмöс кутысь.
Вичмöдöм сьöм вылö босьтiсны трактор и холмогор мöс. Асланыс нöшта вöлi тыра Мая мöс. Вера Николаевна да Владимир Иванович нэмсö олiсны скöтöн, да ас нянь вылö петiгöн тайö туйвизьсö и бöрйисны.
Техникаыд зэв лöсялiс турун заптiгöн…
Татьяна Чувьюрова.
Снимокъяс гижысьлöн.
Водзö лыддьöй январ витöд лунся газетысь.
Комментарии: