Кулöмдiнын помасис ГТО-лöн тöвся тшупöд

[ A+ ] /[ A- ]


Февраль медводдза лунö «Олимпик» шöринын школаын велöдчысьяс сдайтiсны ГТО-лысь коймöд да нёльöд тшупöдын тöвся сикасъяс: котралiсны лызьöн, песiсны лысьöм, качайтiсны пресс да с.в. ГТО сдайтöм ёна паськалöма миян районын. Петкöдчисны Кулöмдiнысь, Немдiнысь, Ярашъюысь, Кебанъёльысь, Дереваннöйысь, Ручысь, Помöсдiнысь, Озъягысь, Югыдъягысь, Зимстанысь, Пожöгысь, Скöрöдумысь, Вочысь 100-ысь унджык нывка да зонка.
Коймöд тшупöдын медводдзаöн лоисны Ярашъюысь Ксения Дёмина да Помöсдiнысь Игорь Цывунин, мöдöн Помöсдiнысь Даниэлла Игнатова да Ярашъюысь Александр Кочанов, коймöдöн — Ярашъюысь Дарья Кочанова да Помöсдiнысь Денис Уляшев. Нёльöд тшупöдын вермысьясöн петiсны Кулöмдiнысь Павел Нестеров да Помöсдiнысь Анастасия Попова, мöдöн лоисны Озъягысь Захар Кузнецов да Помöсдiнысь Ольга Игнатова, коймöдöн — Скöрöдумысь Богдан Лажанев да Ярашъюысь Эльвира Игнатова.

  • Миянлы зэв нимкодь, мый воысь воö содö петкöдчысьяслöн лыдыс, — пасйис «Олимпикын» зiльысь Александра Ногиева. — 2019-öд воын ГТО сдайтöмын ассьыс вынъяс видлiс 809 морт, на пиысь 391-ыс шедöдiсны торъялан пас. Тайö зэв бур. Эскам, мый и 2020-öд воын челядьлöн лоöны выль вермöмъяс.
    Сиктса котыръяс костын вермысьöн лоисны помöсдiнсаяс, мöдöн — ярашъюсаяс, коймöдöн — кебанъёльсаяс.
    Спорт шöрин.

Комментарии:

Добавить комментарий

Свежий выпуск: за 26 июня