Июль 3 лун — ГИБДД-лöн лун

[ A+ ] /[ A- ]

Лейтенант Есев

— Кира понлы кольöм воын тырис 8 арöс. Сыкöд öтлаын велöдчылiм Москваын, öтлаын жö сдайталiм экзаменъяс, öтлаын жö уджалiм, корсим вошöм йöзöс, мыж вöчысьясöс. Буретш та мында и понлöн служитан кад, да петiс пенсия вылö. Со и шуи янсöдчыны кинолог-инспекторлöн уджкöд да видлыны ачымöс мöд юöкöнын. ГИБДД-лöн юкöнö колiсны уджалысьяс, да вуджи татчö, — панiс сёрни пытшкöсса делöяс минис-терстволöн районса юкöнын 2014-öд восянь патрульно-постовöй службаын, а кольöм вося ноябрсянь ГИББД-лöн юкöнын туйвыв патруль службаын инспектор, полицияса лейтенант Александр Иванович Есев.
Медводз туй вылö петтöдз чукöртчылiгöн ставнысö тöдмöдöны районын артмöм серпасöн, кöнi кутшöм лоöмторъяс вöлiны бöръя суткиöн. Ветлöны район пасьта, во чöжöн нуöдöны унапöлöс акция: эрдöдöны код юрöн да правотöг руль сайö пуксьысьясöс, юкöнын пасйытöм машинаöн ветлысьясöс, штраф вештытöмъясöс, ыджыд тöдчанлун сетöны челядьöс туй вылын неминучаысь видзöмлы, öтув уджалöны мукöд юкöнъяскöд. Тулысын лым сылöмöн туй вылö велосипедъясöн, мопедъясöн петöны тыр арлыдтöмъяс. Бытьысь сёрнитöны-öлöдöны найöс, корöны кутчысьны урчитöмторъясö, казялiсны торкöмъяс, йитчöны бать-мамныскöд. Овлö, дежуритан юкöнö шыöдчöны бать-мам, челядьныс ас кадö эз локны гортаныс да. Туй вылын пöрадок видзигöн корсьöны и найöс. Этш тöдтöм код юра ньöбасьысьясöс лöньöдöм кузя шыöдчöны и вузасянiнъясын уджалысьяс. Мунiгöн бытьысь кежаласны и сэтчö.
Машина сувтöдiгöн Александр Иванович бытьысь йитчылас телефон либö рация пыр асланыс юкöнысь административнöй закон олöмö пöртöм бöрся видзöдысь инспекторкöд, сёрöн кö — дежуритан юкöнкöд, тöдмалас, сюрлiс-ö тайö водительыс водзтi, эм-ö вештытöм штрап, абу-ö машинаыс гусялöмъяс лыдын. Туй вылын урчитöмторъяс торкалысьяс вылö лöсьöдö гижöдъяс.
2018-öд вося ноябрын общественнöй пöрадок видзны ветлiс Чечняö, Александр Иванович — тыш-косьса ветеран.
Прöст здукъясö ёртасьö спорткöд. Пауэрлифтинг кузя шедöдiс верстьöлысь медводдза разряд, талун лэпталö гираяс. Спорткöд топыд йитöда и Марина Владимировна гöтырыс, школасянь ворсö баскетбол да волейболысь, бать-мамысь оз кольччыны пияныс, Роман, Егор, Никита ворсöны футболысь. Эскыссьö, быдмыштас да спортö сюртчас и кык арöса на Василиса.
Марина Дадашова.
Гижысьлöн снимок вылын Александр Иванович Есев.

Комментарии:

Добавить комментарий

Свежий выпуск: 7 февраля

Осторожно — мошенники!