Апрель 25–öд лунся «Парма гор» газетын йöзöдім Галина Шебыревалысь Архип Иванович Шебырев батьыс йылысь «И Пожöг вожöдз воис би» нима гижöд. Май 21–öд лунö сылöн кувсьöмсяньыс лоас 20 во. Талун йöзöдам Архип Ивановичлысь уджалöм йылысь казьтывлöмъяс-пасйöдъяс. Гижöдсö вöзйис Галина нылыс.
1956–öд вося январын менö Пожöгсянь мöдöдiсны Кулöмдiнö нюжöдны би визь. Тайö уджсö корысьнас вöлiс Кулöмдiнса жилкомхоз.

Кулöмдiнын би сетöм могысь вöлi уджалö жилкомхозлöн 75 вöв вына локомобиль – электростанция, сулалiс Вичкошор устьеын. Бисö вöлi сетö Шöр улича кузя поликлиника дорöдз, а увланьыс – важ нарсуд дорöдз, олан керкаясö да учреждениеясö, сöмын пемыднас. Эжва бокын, Кулöмъю вомын вöлi уджалö колхозлöн 25 вöв вына локомобиль, бисö сетö скöтнöй дворъясö, конюшняö, 50-60 олан керкаö. Катыдпомын, Тренясиктын, Нярсиктын, Макарсиктын, Кывтыдпомын би эз вöв…
Водзö лыддьöй май 16-öд лунся газетысь.
Галина Шебырева.
Снимокъяс Галина Шебыревалöн чукöртöмысь.