Коркö чайтлiм-ö, мый пластикысь кутасны вöчны пыжъяс? Но эм зарни кияса морт, кодлы воис тайö мöвпыс, да збыльмöдö сiйöс. Зимстанысь Эдуард Николаевич Гичевлöн вöлiс нин вöчасянiн, кольöм воын «Соцконтракт» государстволöн программаö пырöдчöмöн да сьöм босьтöмöн сiйöс ыдждöдiс кык пöв. Сэнi и вöчасьö.

2007–öдсянь 2020–öд воöдз сiйö вöлiс асшöр уджалысьöн, пуысь да тьöскысь вöчалiс öдзöсъяс да öшиньяс, куричьяс, йöзлöн корöм серти ачыс и пукталiс район пасьта. Сэсся босьтчис кыпöдны керкаяс. Сылöн вöлi бригада, 13 во лэптiсны керкаяс, волiсны весиг уджавны Кулöмдiнöдз. Вöчисны пытшкöс и ортсы уджъяс. Петiс асшöр уджысь да 2021–öд воын пасйысис кыдз самозанятöй.

– Нёль во сайын аддзи öтуввезйысь, кыдз пластик материал шонтöмöн да öтамöдкöд йитöмöн вöчöны пыжъяс, лым вывтi ветлан техникалы додьяс, весиг бассейнъяс. Видзöдалi видео, сьöлöм вылö воис тайö уджыс. Мöвпыштi видлыны и ме. Ньöби оборудование, аппарат, пластик и босьтчи уджö. Снимайтi вöчöмторъясöс да йöзöдi öтуввезйын. Йöзыс казялiсны да кутiсны шыöдчыны быдласянь, – висьтасис Эдуард Николаевич….
Водзö лыддьöй октябр 31-öд лунся газетысь.
Наталья Гилева.
Снимокъяс Эдуард Гичевлöн.