Во панассянь коронавирусысь прививка вöчис 7459 морт, тайö урчитöм дiнö 60 процент, вакциналысь медводдза юкöнсö — 7750 морт.
Во да джын кольöм бöрын мöдысь нин пистиасис 70 сайö морт. Талун кежлö тырмымöн ГАМ ковид Вак, спутник Лайт да Эпивак корона вакцинаяс.

Казьтылам, прививка вöчöм могысь позьö гижöдчыны «Госуслуги» портал пыр либö поликлиникалöн регистратураö звöнитöмöн. Поликлиникаын кындзи вöчöны и фельдшерско-акушерскöй пунктъясын, участокса бурдöдчанiнъясын.

Талун прививка вöчöны и гриппысь. Урчитöма пистиавны 10148 верстьööс, талун кежлö сiйöс вöчис 3316 морт, план дорö 32,7 процент. Прививкаöн шымыртасны 3758 челядьöс, талун кежлö пистиалiсны 1799-öс, урчитöм дорö 48 процент. Эм верстьöлы Совигрипп, челядьлы – ультрикс квадри вакцинаяс. Сiдзжö вöчöны сикт-посёлокъясса бурдöдчанiнъясын.
Марина Дадашова.